Zindagi ke hansi pal--Dedicated to everyone I know

Pal rahe ya naa rahe kal,
Kal yaad aayenge ye pal………….

Ye pal, mile to bane kisse,
Kisse yaadein.
Aur yaadein zindagi………….

Ab dekho to lagta hai,
Kya hai zindagi???
Inni kuchh khatte- meethe,
Palon ki, yaadon ki daastan……………..

Ye pal jo beete, apno ke sath,
Pyar, apnepan ki baaton mein..
Ye pal jo beete gairon ke sath,
Jo safar mein apne ban gaye………….

Kuchh aise rishtey jo waqt ke sath dhal haye,
Aur kuchh aise jo apni chhap chhod gaye………….

Kuchh jo meethe hain,
Aur kuchh jo kadwe hain,
Dono hi apni tarah anokhe hain,

Kyonki dono ne hi sikhaya hai,
Kyonki dono ki wajah se main
Aaj aisi hoon,
Meri duniya aisi hai..
Aise hi kuchh chhote-2 palon ke sath,
Zindagi beet jayegi,
Jab baithe akele mein,
To yaadein yaad aayengi………………..

Aise hi kuchh baaton ko sochke,
Hans padenge ye lab,
Aise hi kuchh baaton se,
Aankhein bhar aayengi tab…………………

Par rahenge ye sada mere,
Inme chhupe honge gehre raaz saare,
Kuchh ghar ki,
Kuchh doston ki baatein,
Kuchh apne khwab,
Kuchh kisi apne ki yaadein……………….

Inhi sab palon ko samet lena chahti hoon,
Dil ke kone mein basa lena chahti hoon,
Bas inhi palon se hansi hogi zindagi,
Bas zindagi inhi hansi palon se bhar lena chahti hoon…………………